Protesta e opozitës, Kuvendi anulon seancën e së enjtes - Bota Sot
Protesta e opozitës, Kuvendi anulon seancën e së enjtes

Shqipëria

Protesta e opozitës, Kuvendi anulon seancën e së enjtes

Më: 20 shkurt 2019 Në ora: 16:21
Kuvendi i Shqipërisë

Kuvendi i Shqipërisë nuk do të zhvillojë punimet e paracaktuara për të enjten, gjatë seancës plenare të njoftuar por ende pa caktuar orarin e mbajtjes së saj.

Opozita ka paralajmëruar prej së shtunës, në fundin e protestës së dhunshme të zhvilluar para Kryeministrisë, se do ta vijonte atë përpara Parlamentit gjatë kësaj të enjteje, një institucion që sipas kreut demokrat Lulzim Basha nuk ekziston më.

Ndërkohë, kryeparlamentari Gramoz Ruçi ndodhet aktualisht në Kuvend, teksa pritet të dalë me një deklaratë për mediat në orën 17:00.

Nuk dihet ende se çfarë do të thuhet, por burime të Top Channel thonë se ndoshta do t’i jepet mundësia opozitës të ulet në dialog për të zgjidhur krizën politike, e për të mos vijuar me hapin ekstrem të djegies së mandateve, siç është njoftuar.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...