Protesta madhështore, Basha: Nuk pranojmë ‘Maduron e Ballkanit’ - Bota Sot
Protesta madhështore, Basha: Nuk pranojmë ‘Maduron e Ballkanit’

Shqipëria

Protesta madhështore, Basha: Nuk pranojmë ‘Maduron e Ballkanit’

Më: 21 shkurt 2019 Në ora: 16:16
Lulzim Basha

Kreu i PD-së Lulzim Basha ka reaguar pasditen e sotme në lidhje me protestën madhështor e qytetarë të zhvilluar ditën e ditën e sotme, ditë kur opozita depozitoi në Kuvend mandatet e saj.

‘Zemrat tona janë të mbushura me shpresë dhe kurajo që buron nga shpirti i një populli të bashkuar.

Shqipëria do të ketë një të ardhme europiane dhe kjo do të jetë e ardhmja juaj, e familjeve tuaja, e fëmijëve tuaj, e njerëzve të ndershëm të këtij vendi që duan t’i japin fund padrejtësisë, që duan t’i japin fund pandëshkueshmërisë.

Dua t’u them të gjithë atyre që akoma nuk e dinë se këtu nuk ka demokraci, nuk ka Parlament, nuk ka drejtësi dhe se shteti është kapur nga krimi i organizuar, se njeriu që ju del përpara dhe ju shitet si Kryeministër është Maduro i Ballkanit.

Ne nuk do të pranojmë më një kryeministër bandit, të kapur në flagrancë duke vjedhur votat e popullit në bashkëpunim me mafiozët, trafikantët, bandat e krimit të organizuar, duke vjedhur qindra miliona nga xhepat e shqiptarëve që nuk paguajnë dot bukën e gojës për fëmijët e tyre.

Sytë e Europës janë sot tek ky shesh: ne kërkojmë për shqiptarët vlerat dhe parimet që ata kanë për popujt e vet, liri, demokraci dhe ligjin e barabartë për të gjithë!’, shkruan kreu i PD-së Lulzim Basha në Facebook.

Image
Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...