Kryeministri Edi Rama ndodhet në Gjirokastër ku po zhvillon një takim me një grup studentës për Paktin për Universitetin.
Rama u ‘përplas’ me një studente, e cila fliste njëkohësisht me kryeministrin. “E mira e dialogut është që jo vetëm flet dhe tjetri dëgjon por dhe dëgjon tjetrin kur flet dhe mëson nga tjetri. Del më i ditur se sa në momentin kur hyre”, u shpreh Rama.
Ndërsa kërkoi më tej që studentët t’i drejtonin pyetje dhe ata heshtën, kryeministri duke ironizuar iu drejtua të rinjve, ” Ah e dija që do kalonte viti i ri dhe do të bëheshit të urtë fare, e dija. Por tani frika ime e madhe është se mos ju zë gjumi, dhe po ju zuri gjumi, do duhet një dekadë për t’u zgjuar. Por unë nuk do t’ju lë”.
