Rama inspektime në rrugën Kardhiq-Delvinë - Bota Sot
Rama inspektime në rrugën Kardhiq-Delvinë

Shqipëria

Rama inspektime në rrugën Kardhiq-Delvinë

Më: 23 shkurt 2019 Në ora: 17:03
Kardhiq-Delvinë

Brenda 3 muajve në rrugën Kardhiq-Delvinë është realizuar 50 % e punimeve, të këtij aksi strategjik që lidh Gjirokastrën, Sarandën dhe Tepelenën.

Kryeministri i cili inspektoi punimet u njoh nga drejtuesit e projektit dhe drejtorja e ARRSH me ecurinë e punimeve dhe vështirësitë që kanë hasur për shkak të motit. Vetë Rama nuk harron të kujtojë çka morën si trashimi nga paraardhësit në këtë aks ndërsa kërkon standarde.

“ Kjo është nga pjesët më problematike që kemi trashëguar ne edhe si kulturë pune edhe si inerci që këto ngrëniet të hyjnë në fazë rehabilitimi me ato sistemet që nxjerrin bimësi. Duhet bërë një projekt siç e ka gjithë bota normale, që aty ku gërryhet mali, ose kodra për arsye të veprës, të krijohen kushte për rehabilitim. Është tamam si një plagë që çan dhe e lë në qiell të hapur. Volumi i punës është shumë i kënaqshëm. Sfida jonë është që jo vetëm të bëjmë rrugë ku të kalojnë njerëzit, por edhe rrugë cilësore, të qëndrueshme dhe nga pikëpamja mjedisore të pakontestueshme”.

Gjatë turit në qarkun e Gjirokastrës ishte dhe në Lunxhëri ku si pjesë e programit kombëtar për rindërtimin e 300 qendrave shëndetësore sapo ka përfunduar rikonstruktimi i qendrës shendetesore që i shërben 4800 banorëve.

“Kushtet kanë qenë totalisht të degraduara, shumë të këqija.”

Pasdite kryeministri do të zhvillojë një takim me banorët e Përmetit si pjesë e turit “Bashkia që duam”.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...