Një elektriçist 34-vjeçar, ka humbur jetën në fshatin Fierzë të Fushë Arrëzit, pasi ra në kontakt me energjinë elektrike.
Viktima është identifikuar si shtetasi Prend Ceca, i cili kishte hipur në shtyllë për të riparuar një defekt, por kishte rënë në kontakt me rrymën, duke mbetur i vdekur.
Por si të mos mjaftonte ngjarja e rëndë, trupi i viktimës është ende në shtyllë, pasi nuk kanë mbërritur specialistët, për ta zbritur nga atje.
Burime për Top Channel raportojnë se ndonëse ngjarja ka ndodhur rreth pasdites, trupi i elektricistit 34-vjeçar vijon të jetë mbi shtyllën që i mori jetën.