Ish- kryeministri Sali Berisha publikon video ne reportazhit të televizionit gjerman ZDF rreth situatës politike në Shqipëri.
Berisha duke cituar televizionin gjerman pyet se edhe për sa kohë të do mbahet në këmbë qeveria që mbështetet tek krimi?!
Reagimi i plotë i Berishës
ZDF rrjeti televiziv me i madh gjerman ne nje emision kushtuar revolucionit demokratik ne Shqiperi pyet:
“Sa mund të mbahet akoma në këmbë një qeveri, anëtarët e së cilës, mbajnë lidhje me kriminelët?!”
Te dashur miq, revolucioni demokratik popullor shqiptar ka patur jehone boterore.
Mediat me kryesore te botes ato SHBA, Gjermanise, Britanise se Madhe, Frances, Italise, Japonise, Spanjes etj etj damkosin perfundimisht Edvin Kristaq Ramen dhe narkoqeverine e narkoshtetit te tij. Ato kane denoncuar vjedhjen e votave nga bandat e qeverise, lidhjet e Edvinit dhe ministrave te tij me drogen, krimin, korrupsionin.
Ne nje akt te pazakonte rrjeti televiziv publik i Germanise shtrin pyetje fatale per Edvinin drejtuar Brukselit, deri kur mund te mbeshtetet qeveria e krimit e Edi Rames. Natyrisht kesaj pyetje vetkuptohet mund dhe po i pergjigjen shqiptaret me revolucionin kunder narkoshtetit te Kakistokracise.
Ketu me poshte keni tekstin dhe videon e emisionit te ZDF kushtuar Shqiperise. sb
TV gjerman ZDF: Sa mund të mbahet akoma në këmbë një qeveri, anëtarët e së cilës, mbajnë lidhje me kriminelët?!
Gazetarë të televizionit gjerman ZDF kanë ardhur në Tiranë, nga ku janë informuar nga afër për gjithçka ka ndodhur në vend së fundmi.
Kronika e tyre nis me situatën në Unazën e Re, ndërsa theksohet se qytetarët që detyrohet të largohen nga shtëpitë e tyre për t’i lënë vend zgjerimit të autostradës, duhet të dëmshpërblehen.
Për këtë, ata duhet të dëmshpërblehen nga qeveria shqiptare. Por, siç ndodh shpesh, milionat duket se janë tretur diku rrugës, sepse tek njerëzit nuk mbërrin, pothuajse asgjë”, thuhet në kronikën e televizionit gjerman.
Ndërsa qytetarët përgjigjen: “Ata thonë se do të na paguajnë 2 vjet qira dhe pastaj, ne do të përfundojmë në rrugë të madhe. Unë jam 63 vjeç”,- thotë një grua.
“Jo vetëm brezi im, por edhe fëmijët tanë kanë punuar për këto shtëpi. Qeveria mban përgjegjësi për më shumë se 1000 familje”,- thotë një tjetër banor.
Pronarët e shtëpive protestojnë çdo ditë, thotë ZDF, ndërsa e quan këtë një nga shumë rastet e korrupsionit të shfrenuar në Shqipëri.
Më tej në kronikë thuhet se në shenjë proteste ndaj qeverisjes së Ramës, 56 opozitarë dorëzuan mandatet e tyre parlamentare.
Aktualisht, Shqipëria nuk po bën përparim përsa i përket demokracisë dhe mirëqenies së njerëzve, përkundrazi, po bën hapa të mëdhenj mbrapa. Njerëzit po largohen masivisht nga vendi. Megjithatë, për BE, kryeministri Rama duket, ende, si e keqja më e vogël në politikën e Shqipërisë. Prandaj, Brukseli kërkon nga opozita dhe njerëzit që protestojnë prej javësh, të vetëpërmbahen:,- theksohet ndër të tjera në kronikë.
ZDF e mbyll shkrimin me një pyetje: Sa mund të mbahet akoma në këmbë një qeveri, anëtarët e së cilës, mbajnë lidhje të ngushta me kriminelët?!
Kronika e plotë:
Shtëpitë e tyre dhe gjithçka kanë duhet t’i lënë vendin një autostrade. Për këtë, ata duhet të dëmshpërblehen nga qeveria shqiptare. Por, siç ndodh shpesh, milionat duket se janë tretur diku rrugës, sepse tek njerëzit nuk mbërrin, pothuajse asgjë.
Ku do të shkojmë ne? Ata thonë se do të na paguajnë 2 vjet qera dhe, pastaj, ne do të përfundojmë në rrugë të madhe. Une jam 63 vjeç. Jo vetem brezi im, por edhe femijët tanë kanë punuar për këto shtëpi. Qeveria mban përgjegjësi për më shumë se 1000 familje.
Pronarët e shtëpive protestojnë çdo ditë. Ky është një nga shumë rastet e korrupsionit të shfrenuar në Shqipëri. Gazetarja për çështjet e drejtësisë Lala ka publikuar protokolle përgjimi që zbulojnë sesi anëtarë të qeverisë kanë blere vota në zgjedhjet e fundit nga pjesëtarë të bandave mafioze.
Une kam 6 njerëz. Ok, thuaji Kryetarit të Bashkisë, Vangjushit, t’u japë atyre lekët që të votojnë siç duhet. Në një bisedë tjetër thuhet se një person duhet të kthejë lekët mbrapsht, sepse nuk ka votuar siç duhet. Kjo provon se zgjedhjet nuk ishin të lira dhe të fshehta.
Opozita kërkon zgjedhje të parakohshme dhe dorëheqjen e kryeministrit Rama, të cilin, këtu e gjuajnë me vezë. Në shenjë proteste ndaj qeverisjes së tij, 56 opozitarë dorëzuan mandatet e tyre parlamentare. Aktualisht, Shqipëria nuk po bën perparim përsa i përket demokracisë dhe mirëqenies së njerëzve, përkundrazi, po bën hapa të mëdhenj mbrapa.
Njerëzit po largohen masivisht nga vendi. Megjithatë, për BE, kryeministri Rama duket, ende, si e keqja më e vogël në politikën e Shqipërisë. Prandaj, Brukseli kërkon nga opozita dhe njerëzit që protestojnë prej javësh, të vetëpërmbahen.
Por pyetja është: sa mund të mbahet akoma në këmbë një qeveri, anëtarët e së cilës, mbajnë lidhje të ngushta me kriminelët?!
