Fieri në protestë kundër qeverisë Rama, bllokojnë rrugën tek Prefektura

Shqipëria

Fieri në protestë kundër qeverisë Rama, bllokojnë rrugën tek Prefektura

Më: 2 mars 2019 Në ora: 18:20
Foto

Banorë të qytetit të Fierit dhe simpatizantë të Partisë Demokratike këtë të shtunë janë ngritur në një protestë kundër qeverisë Rama. Qytetarët u mblodhën para Prefekturës së qytetit, ku bllokuan edhe rrugën. "Rama ik", ishte thirrja e vetme e tyre. Protesta vjen pas thirrjes së kryedemokratit Lulzim Basha për të zhvilluar tubime në të gjithë qytetet e Shqipërisë, për të kulmuar me një protestë kombëtare në Tiranë, më 16 mars.

Qëllimi i opozitës është krijimi i një qeverie tranzitore, zgjedhje të parakohshme dhe dorëheqja e Kryeministrit Rama, kërkesa të refuzuara nga qeveria, por të rrëzuara edhe nga ndërkombëtarët.

Por teksa kërkojnë zgjedhje të parakohshme për ndërrimin e pushteteve, siç kryetarja LSI-së ishte shprehur në takimin me delegacionin e Parlamentit Evropian në Tiranë, opozita ende nuk e ka vendosur nëse do të bojkotojë zgjedhjet lokale, të cilat mbahen më 30 qershor të këtij viti.

 

commentFirst article
Sot mund të lexoni Shfletoni kopertinat