Një vit hetime dhe ende s’gjendet pronari i 11 kg heroinë, në gjyq vetëm korrieri

Shqipëria

Një vit hetime dhe ende s’gjendet pronari i 11 kg heroinë, në gjyq vetëm korrieri

Më: 9 mars 2019 Në ora: 18:03
Iluistrim

Plot 11 kg heroinë të kapur në portin e Durrësit në shkurt të 2018, ka vetëm një person përgjegjës dhe ai është korrieri Bujar Shazivari.

Bujar Shazivari, drejtuesi i kamionit me targa AA 943 OO është ndaluar nga policia kufitare Durrës, në shkurt të 2018 dhe sipas prokurorisë së Krimeve të Rënda, ai ishte korrieri që kishte marë përsipër të trafikonte sasinë e heroinës prej 11 kilogram.

Hetimet një vjeçare të prokurorëve të Krimeve të Rënda nuk sollën asnjë rezultat për sa i përket zbulimin dhe arrestimit të personave të tjerë të përfshirë në këtë veprimtari kriminale.

Megjithëse kishte dyshime mbi disa persona të tjerë me origjinë nga Shijaku dhe Durrësi se mund të ishin pronarët e sasisë së drogës, këto dyshime janë shuar për mungesë provash.

Burime pranë prokurorisë thanë se gjatë hetimit korrieri i drogës nuk ka pranuar të bashkëpunojë me prokurorinë, duke pohuar se nuk kishte dijeni e kujt ishte sasia e drogës, për të cilën s’kishte asnjë informacion që ishte vendosur brenda trupit të kamionit.

Në këto kushte prokuroria ka mbyllur çështjen hetimore dhe ka dërguar në gjyq për akuzën e “Trafikut të narkotikëve” në bashkëpunim.

Në momentin e sekuestrimit të 11 kg heroinë kamioni po kryente procedurën e imbarkimit në tragetin e linjës Durrës -Ankona që niset nga Durrësi dhe ishte i ngarkuar me materiale konfeksionesh për tregun italian.

commentFirst article
Sot mund të lexoni Shfletoni kopertinat