Policia e Shtetit po vijon monitorimet dhe patrullimet me përzgjedhje, në segmentet rrugore ku evidentohen shkelje të rregullave të qarkullimit rrugor, që janë burim i shtuar rreziku për aksidente rrugore.
Gjithashtu me të njëjtin seriozitet po ndiqen të gjitha denoncimet e qytetarëve, të adresuara në forma të ndryshme në adresë të Policisë së Shtetit, me qëllim e vetëm krijimin e një mjedisi sa më të sigurt për të gjithë qytetarët.
Policia e Shtetit çdo ditë po monitoron kudo akset rrugore për të siguruar jetën e qytetarëve nga shkelësit e rregullave të sinjalistikës rrugore të cilat janë burime aksidenti me pasoja fatale për qytetarët. /atsh