Goditi me gurë policinë në protesën kundër Ramës, arrestohet 56 vjeçari

Shqipëria

Goditi me gurë policinë në protesën kundër Ramës, arrestohet 56 vjeçari

Më: 10 mars 2019 Në ora: 14:40
Pamje nga protesta

Personi që goditi me gurë në kokë punonjësin e FNSH-së ditën e djeshme në protestën e opozitës është prangosur këtë të dielë nga forcat e policisë së Fierit.

Fjala është për një punonjës të bashkisë së Mallakastrës, i identifikuar si 56 vjeçari me incialet P.I.

“Në vijim të veprimeve hetimore dhe pas analizimit të pamjeve filmike dhe provave të tjera të mbledhura, u bë identifikimi i personit që goditi me gur në kokë punonjësin e policisë.

Si rezultat, rreth orës 13:10 u kap dhe u arrestua shtetasi P.I, 56 vjeç, banues në Ballsh (me detyrë inspektor mjedisi në Bashkinë Mallakastër).

Në vijim të veprimeve të kryera, policia e Fierit ka proceduar penalisht në gjendje të lirë edhe 10 shtetas, si edhe janë shpallur në kërkim dhe po punohet për kapjen e 2 shtetasve të tjerë.

Materialet i kaluan Prokurorisë pranë Gjykatës së Shkallës së Parë Fier për veprat penale “Kundërshtim me dhunë i punonjësit të policisë së rendit publik”, “Goditje për shkak të detyrës” dhe “Organizim dhe pjesëmarrje në grumbullime dhe manifestime të paligjshme”.-njofton policia.

Sot mund të lexoni Shfletoni kopertinat