Zgjedhjet vendore/ PS kandidon 5 deputetë, ja kush do t’i zëvendësojnë - Bota Sot
Zgjedhjet vendore/ PS kandidon 5 deputetë, ja kush do t’i zëvendësojnë

Shqipëria

Zgjedhjet vendore/ PS kandidon 5 deputetë, ja kush do t’i zëvendësojnë

Më: 12 mars 2019 Në ora: 17:06
Kuvendi i Shqipërisë

Përfshirja e disa deputetëve te PS-se në garën për kryetarë bashkie do të çojë në dorëzimin e mandatit të tyre para nisjes zyrtare të fushatës.

Ata do të pasohen nga emrat vijues të listës së kandidatëve në qarqet respektive. Rakip Suli, deputet i Qarkut të Tiranës, do të zëvendësohet nga Eljo Hysko, kryetar i Forumit Rinor Eurosocialist.

Deputeti i Qarkut të Gjirokastrës, Flamur Golemi, do të zëvendësohet nga Laert Duraj, aktualisht drejtor i Postës Shqiptare. Ilir Xhakolli, i cili do të kandidojë për Bashkinë e Pogradecit, do të zëvendësohet nga Ardit Konomi, ish-prefekt i Qarkut të Korçës.

Pjerin Ndreu për Bashkinë e Lezhës do të zëvendësohet nga Adriana Jaku, e katërta e listës pas Lindita Nikollës. Zonja Jaku, aktualisht është zëvendësministre e Shëndetësisë dhe e Mbrojtjes Sociale që nga tetori i 2017- ës.

Deputeti i Qarkut të Elbasanit, Nuri Belba, i cili do të kandidojë për bashkinë Përrenjas, do të zëvendësohet nga Desantila Tahiraj. Nëse do të kandidojë për Bashkinë e Sarandës, deputeti i Qarkut Vlorë, Alket Hyseni, do të zëvendësohet nga Elona Hodaj(Kurti).

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...