Kryeprokurorja Marku: Mos e shihni vetingun si ndëshkim

Shqipëria

Kryeprokurorja Marku: Mos e shihni vetingun si ndëshkim

Më: 13 mars 2019 Në ora: 12:03
Kryeprokurorja e Përgjithshme, Arta Marku

Kryeprokurorja e Përgjithshme, Arta Marku ka marrë pjesë në analizën vjetore të Prokurorisë në Shkodër ku ka folur edhe për procesin e Vettingut.

“Ka qenë një vit jo i lehtë, sepse i jeni nënshtruar vettingut. Ia keni dale pavarësisht vështirësive. Pavarësisht çdo të thotë kaos kërkoj më shumë nga ju dhe te jeni te pavarur dhe të pandikuar në punën tuaj. Mos e shihni vetingun si ndëshkim. Keni mbështetjen time dhe të ndërkombëtarëve”, u shpreh ajo.

Më tej ajo është ndalur edhe tek ndërhyrja e politikës në shumë çështje duek vlerësuar vijimin e punës nga ana e prokurorëve pavarësisht këtyre çështjeve.

“Në qendër të debateve apo konflikteve politike ka qenë Prokuroria. Politika i ka dhënë të drejtën vetes për të gjykuar çdo çështje tonën. Në shumë çështje politika ka ndërhyrë në punët tona, por ju keni vazhduar”, tha ajo.

Sot mund të lexoni Shfletoni kopertinat