Pranuan mandatet, Edi Paloka komenton vendimin: Të gjithë ata janë njësoj - Bota Sot
Pranuan mandatet, Edi Paloka komenton vendimin: Të gjithë ata janë njësoj

Shqipëria

Pranuan mandatet, Edi Paloka komenton vendimin: Të gjithë ata janë njësoj

Më: 13 mars 2019 Në ora: 14:18
Edi Paloka

Në vazhdën e situatës politike të rënduar në vend, me dorëzimin e mandateve të deputetëve të opozitës, kjo e fundit duket e pashqetësuar nga rrjedhjet e vazhdueshme të kandidatëve të listave për deputet.

Nënkryetari i PD-së Edi Paloka i ndodhur në Kukës, në kuadër të përgatitjes për protestën e paralajmëruar të 16 marsit u pyet nga Fax News për mandatimin e Arban Zenelit, si deputet i PD-së për qarkun e Kukësit në vend të Flamur Nokës duke thënë se asnjë deputet i ulur në atë parlament pas dorëzimit të mandateve nuk është përfaqësues i Partisë Demokratike.

Ish-deputeti i PD-së Edi Paloka thotë se: “E kemi bërë të qartë që askush në atë parlament nuk përfaqëson Partinë Demokratike. Të gjithë ata që hyjnë apo dalin nga ai Parlament sot për ne janë njësoj, përfaqësojnë vetëm interesat e tyre. Për ne ai parlament është Parlamenti i krimit dhe as PD-ja dhe asnjë forcë tjetër opozitare nuk ka më asnjë lidhje me atë parlament”.

Ndër të tjera Paloka është shprehur se protesta e 16 marsit do të jetë edhe më e madhe sesa ajo e 16 shkurtit dhe se nga sot e tutje komunikimin e kemi me qytetarët.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...