Drejtoria Rajonale Tiranë e Operatorit të Shpërndarjes së Energjisë Elektrike (OSHEE) po mbështet Autoritetin Rrugor Shqiptar (ARRSH) në sistemimin e rrjetit elektrik përgjatë autostradës Tiranë-Durrës.
Përmes fotosh, shihen punonjës të OSHEE-s dhe ARRSH-së, që kryejnë punime në fiderin 141 të Nënstacionit Valias, te tombinot e mbikalimit të Rinasit në rrugën”Egnatia”.
Pas rehabilitimit të plotë të këtij segmenti rrugor, tani edhe me rrjetin elektrik që ofron ndriçim të rrugës normalisht, qarkullimi i mjeteve do të jetë më i lehtë në këtë aks që lidh dy nga qytetet kryesore të vendit me fluksin më të madh të qarkullimit.
