TVSH-ja për fermerët nuk ndryshon - Bota Sot
TVSH-ja për fermerët nuk ndryshon

Shqipëria

TVSH-ja për fermerët nuk ndryshon

Më: 22 mars 2019 Në ora: 15:15
Foto

Edhe pse prej dy ditësh në vend është ndërprerë grumbullimi i prodhimeve bujqësore për shkak të ngërçit të TVSH-së skema nuk do të ndryshoj.

Drejtori i politikave fiskale Niko Lera deklaroi se tashmë po shohim se çfarë politikash subvencionuese do të zbatojnë për fermerët dhe blegtorët.

Niko Lera: "Skema nuk ka arsye të ndryshojë, por ne po shohim çfarë politikash subvencionuese do të zbatojmë në lidhje me fermerin, me blegtorin, me atë që e shet qumështin dhe e blen me faturë. Ka skema të tjera që mund të zbatohen. Një ndër to do të jetë që çdo fermer për sasinë e qumështit që shet të subvencionohet përkundrejt faturave direkt nga strukturat e Ministrisë së Bujqësisë."

Niko Lera sqaron se ndryshimet në skemën e TVSH-së nuk prekin direkt grumbulluesit.

Niko Lera: "Kërkesë-oferta do të ekuilibrohet dhe përsëri çmimet do të gjejnë tregun e tyre. Grumbulluesit apo përpunuesit nuk janë pjesë e ndryshimeve në kostot e tyre apo në çmimet e shitjes. Sepse tatimi mbi vlerën e shtuar është shtesë mbi çmimin e shitjes, nuk është pjesë kostos. Pra dje ata i jepnin 20% fermerit dhe kreditonin 20%, sot i japin 6% dhe do kreditojnë 6%."

Vendimi  nuk është pritur mirë prej subjekteve që kanë aktivitet grumbullimin e produkteve bujqësore.

Mësohet se tashmë bizneset po diskutojnë mundësinë e përshkallëzimit të protestave duke këmbëngulur në ndryshimin e skemës së TVSH-së.

Ata ankohen se i blejnë prodhimet me TVSH 6% dhe i shesin me 20% duke i krijuar kosto shtesë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...