Një zjarr i madh ra pasditen e së shtunës në një zonë kodrinore të Njësisë Administrative Ungrej, në Lezhë.
Flakët nisën në vendin e quajtur Fregen. Rreth 10 hektarë pyje llogaritet se janë djegur deri më tani.
Forcat e Inspektoriatit Pyjor punuan me mjete rrethanore për të ndaluar përhapjen e flakëve, ndërsa zjarri vijon ende por fatmirësisht nuk ka rrezik për zonën e banuar.
Zjarri dyshohet se është vënë qëllimisht, ndaj policia është vënë në kërkim të autorëve.