Ish-ministri i Drejtësisë, Ylli Manjani përmes një postimi në facebook, sqaron nëse mungesa e opozitës në Parlament bllokon krijimin e SPAK. Manjani shkruan se dalja e opozitës nuk ndikon, pasi SPAK e zgjedhësh KLP e cila është krijuar dhe funksionon. ”SPAK e zgjedhedh KLP e cila është krijuar dhe funksionon. Parlamenti nuk ka më asnjë rol për të luajtur. Edhe për Institucionet e tjera që janë në pritje për t’u ngritur, Parlamenti (edhe ky që është) nuk e bllokon dot. Ndryshimet Kushtetuese që u miratuan me konsensus, përcaktojnë mekanizmin zhbllokues kur Parlamenti nuk merr dot vendime. Pra debati që ikja e Opozitës bllokon reformën është propagandë e pa bazuar në asnjë fakt”,-shkruan Manjani.
Postimi i plotë i Manjanit:
Sqarimi:
Disa miq e gazetarë pyesin se si e bllokon mungesa e opozitës krijimin e SPAK?
Përgjigja është fare e thjeshtë: Fare! nuk e bllokon dot asnjë parti, deputet apo grup deputetësh (një apo disa përdorimësh).
SPAK e zgjedhedh KLP e cila është krijuar dhe funksionon. Parlamenti nuk ka më asnjë rol për të luajtur.
Edhe për Institucionet e tjera që janë në pritje për t’u ngritur, Parlamenti (edhe ky që është) nuk e bllokon dot. Ndryshimet Kushtetuese që u miratuan me konsensus, përcaktojnë mekanizmin zhbllokues kur Parlamenti nuk merr dot vendime.
Pra debati që ikja e Opozitës bllokon reformën është propagandë e pa bazuar në asnjë fakt.
Pyetja shtrohet përse vonohet krijimi i SPAK dhe i Institucioneve të tjera? Kujtojmë se vendi është jo vetëm pa SPAK e Byro Hetimi, por edhe pa Gjykatë Kushtetuese, pa gjykatë të Lartë funksionale, pa Inspektorin e Përgjithshëm madje edhe pa Kontrollin e Lartë të Shtetit.
Kujt i interesojnë këto vakume të tmerrshme ne funksionin e shtetit?! Opozitës apo Qeverisë?!
Qartësisht “Hallatet” i mungojnë qeverisë. Asaj nuk i interesojnë fare as SPAK, as BKH, as gjykata e as prokuroria e pavarur. Ndaj dhe i shtyjnë e i shtyjnë e i shtyjnëëëë…..
Por ama fajin e ka …… Opozitaaaaaa
