Gruaja var veten, telefonon policinë: Kujdesuni për fëmijët e mi

Shqipëria

Gruaja var veten, telefonon policinë: Kujdesuni për fëmijët e mi

Më: 25 mars 2019 Në ora: 15:15
Ilustrim

Një 41-vjeçare nga fshati Molisht në ish-komunënSinjë, në rrethin e Beratit, i ka dhënë fund jetës mesditën e sotme. Merita Filaj, nëna e 3 fëmijëve, ka varur veten me litar në kasollen e barit, që ndodhej pak metra larg banesës së saj.

Burimet zyrtare të policisë konfirmojnë se viktima 15 minuta para vetëvarjes ka telefonuar policinë në numrin 129 dhe u ka thënë duke qarë që të kujdeseshin për fëmijët e saj.

Patrullat e policisë pas lokalizimit të telefonatës janë nisur drejt banesës së familjes Filaj,  por e kanë gjetur gruan të vetëvarur në kasollen pranë shtëpisë. Viktima 41-vjeçare, Merita Filaj nuk vuante nga asnjë formë depresioni por duket se kushtet e vështira ekonomike në të cilat jetonte, e kanë detyruar të ndërmarrë këtë akt ekstrem.

Merita jetonte e vetme në një banesë në fshatin Molisht, që ndodhet 3 km e veçuar larg banesave të tjera. Ajo jetonte me 2 vajzat e saj, ndërsa bashkëshorti dhe djali kishin emigruar në Greqi.

commentFirst article
Sot mund të lexoni Shfletoni kopertinat