Ministri i Jashtëm në Detyrë Gent Cakaj njoftoi sot fillimin e një reforme të thellë në administratën diplomatike që nis me shkarkimin e 20 punonjësve, ndërsa një tjetër tjetër do të transferohen.
Por Cakaj nuk bëri publik emrat, ndërkohë që Report Tv ka zbuluar emrin e diplomatit të parë që është shkarkuar. Ai është Edmond Kumaraku, konsull në Romë.
Pohohet se ai është shkarkuar pas ankesave, ndërkohë që verifikimi kishte nisur prej disa muajsh dhe sot u finalizua me shkarkimin nga detyra.
Gent Cakaj deklaroi se nga administrata diplomatike do të largohen të gjithë ata që janë nuk e meritojnë, pasi janë emëruar në mënyrë klienteliste dhe nepotike.
