Një zjarr i madh ka rënë ditën e sotme në zonën e pyllëzuar në Darëzezë të Fierit.
Flakët, të cilat raportohet të shkojnë deri në 30 metra lartësi, deri tani kanë djegur 15 hektarë pisha e shkurre, ndërsa pranë vatrës së zjarrit ka edhe lokale dhe biznese të shumta.
Forcat zjarrfikëse të Fierit në terren për të neutralizuar flakët, por zjarri favorizohet nga era.
Reparti zjarrfikës i Fierit kanë kërkuar ndihmën e forcave zjarrfikëse të Roskovecit, Ballshit dhe Lushnjes.
Ende nuk dihen shkaqet por dyshohet për një zjarrvënie. Në vendin e ngjarjes ndodhet edhe policia e Fierit.
