I hedhur mes ferrave, del fotoja e grabitesit të vrarë

Shqipëria

I hedhur mes ferrave, del fotoja e grabitesit të vrarë

Më: 9 prill 2019 Në ora: 18:55
Pamje nga vendi i ngjarjes

Është publikuar fotoja e hajdutit që mbeti i vrarë gjatë grabitjes së parave në Rinas.

Në foton e publikuar nga Balkan Web, grabitësi, ende i paidentifikuar gjendet i shtrirë mes mbetjesh, aty ku u hodh nga bashkëpunëtorët e tij.

Në foton e rëndë duket veshja e zezë e ngjashme me ato të komandove, ndërsa në trupin e viktimës dallohet dhe antiplumbi.

Në momentin e grabitjes, hajdutët janë përballur me një makinë e Forcave të Ndërhyrjes së Shpejtë, e cila ka qenë në patrullim rutinë.

Nga frika e kapjes, grabitësit kanë sulmuar me armë kallashnikov dhe granata FNSH-të, e cila është përgjigjur me zjarr. Nga të shtënat ka humbur jetën një prej grabitësve.

Image

Bashkëpunëtorët e viktimës, kanë marrë trupin e pajetë dhe e kanë hedhur në lumë për të humbur gjurmët dhe janë arratisur. Kur është gjetur nga policia, viktima nuk ka pasur asnjë mjet identifikimi në trup dhe nuk dihet ende emri i tij.

commentFirst article
Sot mund të lexoni Shfletoni kopertinat