Ditën e sotme do të mblidhet seanca parlamentare, ndërkohë opozita do të mbajë protestë.
Mësohet se në seancën parlamentare do të raportohet progres raporti i Shqipërisë për ecurinë në BE. Pritet që të ketë debate në parlament pasi edhe deputetët e rinj do të kërkojnë shpjegime nga ministri Cakaj për këtë proces.
Po ashtu pritet të ketë debate edhe për grabitjen në Rinas. Gjithashtu pritet të betohen edhe 3 deputetë të rinj të opozitës.
Nga ana tjetër opozita do të zhvillojë një protestë, e cila do të nisë nga ministria e Brendshme.
Policia ka marrë masa për këtë protestë, por numri i efektivëve të policisë është më i ulët se zakonisht. Ata janë vendosur pranë kryeministrisë dhe para parlamentit.
