Ministrja e Mbrojtjes Olta Xhaçka ka reaguar lidhur me protestën e opozitës. Sipas saj, një grup i vogël dhunuesish kanë qëllim të vetëm bllokimin e rrugës tashmë të pandalshme të të gjithë shqiptarëve drejt Europës. Ajo ka dhe një mesazh për policët e lënduar gjatë protestës
“Respekt dhe mirënjohje për efektivët që edhe sot u përballën me dhunën e politikes pa ide e pa vizion. Në krah të çdo prindi e bashkëshorti, në krah të çdo biri nëne, me apo pa uniformë, që u vu në mbrojtje të shtetit, dinjitetit, qetësisë publike e vlerave të demokracisë”, thekson Xhaçka.
“Përshëndes të gjithë qytetarët, përfshirë ata me bindje të djathta, që u distancuan nga ky grup i vogël dhunuesish, qëllimi i vetëm i të cilëve është bllokimi i rrugës tashmë të pandalshme të të gjithë shqiptarëve drejt Europës. Shërim të shpejtë efektivë të lënduar! Mirënjohje e pafundme për policinë e shtetit!”, shton ministrja Mbrojtjes. /ATSH
