Kreu i demokratëve, Lulzim Basha i ftuar në emisionin “Tempora” në RTV Ora përgënjeshtori zërat që thonë se ai jeton në Holandë. Basha tha se jeton në Shqipëri dhe se vajzat e tij Dafina dhe e vogla, Viktoria, shkollohen këtu. Ai tha se vajzat e tij janë 8 dhe 12 vjeçe.
Basha: Vajzat e mia janë këtu. Shkojnë në shkollë këtu. Turp për ata gazetarë dhe politikanë që thonë se unë jetoj në Holandë. Ka media që janë pjesë e problemit dhe kanë zgjedhur që të sakrifikojnë interesin publik për të pasuruar vetën dhe pronarët e tyre.