Lleshaj, në interpelancë nga opozita e re për grabitjen në Rinas - Bota Sot
Lleshaj, në interpelancë nga opozita e re për grabitjen në Rinas

Shqipëria

Lleshaj, në interpelancë nga opozita e re për grabitjen në Rinas

Më: 18 prill 2019 Në ora: 09:06
Sander Lleshaj

Kuvendi i Shqipërisë zhvillon sot seancën e radhës plenare. Diskutimet në seancë do të nisin me interpelancën urgjente me Ministrin e Brendshëm Sandër Lleshaj të kërkuar nga një grup deputetësh të opozitës.

Ralf Gjoni, nga lista e LSI-së, dhe Myslim Murrizi, nga lista e PD-së, do t’i kërkojnë ministrit të Brendshëm shpjegime për grabitjen e ndodhur në Rinas.

Kërkesa e 11 deputetëve të opozitës ka si pyetje kryesore planin e masave të marra nga institucionet ligjzbatuese për mbrojtjen e sigurisë kombëtare.

Në rend ditë është parashikuar gjithashtu raportimi i veprimtarisë vjetore për 2018 nga Autoriteti i Mediave Audiovizive dhe Instituti i Studimeve të Krimeve dhe Pasojave të Komunizmit në Shqipëri.

Po sot do të diskutohet dhe miratohet projektligji “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Kosovës, për ngritjen e pikave të përbashkëta të kalimit kufitar, ndërmjet Republikës së Shqipërisë dhe Republikës së Kosovës dhe kryerjen e veprimtarive të përbashkëta të kontrollit kufitar”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...