Ndryshe nga sa ka ndodhur në seancat e mëparshme, opozita ka ndryshuar strategji këtë të enjte, duke mos u mbledhur në protestë para godinës së Parlamentit.
Por për të vendosur se si do të procedohet më tej, kryedemokrati Lulzim Basha do të mbledhë në orën 12.00 Kryesinë e Partisë Demokratike.
Një tjetër mbledhje lideri i opozitës do të mbajë në orën 17.00, kësaj here me Këshillin Kombëtar të PD.
Gjatë këtyre takimeve pritet të vendoset se si do të jetë ecuria e mëtejshme e aksionit opozitar, pas protestës kombëtare të 13 prillit.
Partia Demokratike dhe Lëvizja Socialiste për Integrim dogjën mandatet e deputetëve, dhe që nga ai moment nisën protestat, duke kërkuar largimin e Kryeministrit Edi Rama, krijimin e një qeverie tranzitore dhe zgjedhje të parakohshme parlamentare.
