Ministria e Mbrojtjes e Shqipërisë ka arritur marrëveshje me Departamentin Amerikan të Mbrojtjes dhe me qeverinë amerikane për të modernizuar flotën ajrore shqiptare, duke rritur kapacitetet e saj me helikopterë të tipit “Black Hawk”.
Ministrja Xhaçka tha se falë kësaj mbështetjeje të jashtëzakonshme të aleatit tonë strategjik, do të rritet edhe gatishmëria dhe operacionaliteti i Forcës Ajrore shqiptare.
“Garda kombëtare e Nju Xhersit të cilën pata kënaqësi ta vizitoj gjatë vizitës në Shtetet e Bashkuara të Amerikës do të bëjë gjithashtu trajnimim e pilotëve dhe teknikëve tanë si dhe do të kujdeset për mirëmbajtjen e helikopterëve”, deklaroi Xhaçka.
