Fshati i braktisur. Banorët ikin nga Plani i Bardhë, nuk kanë ujë të pijshëm dhe për vaditje - Bota Sot
Fshati i braktisur. Banorët ikin nga Plani i Bardhë, nuk kanë ujë të pijshëm dhe për vaditje

Shqipëria

Fshati i braktisur. Banorët ikin nga Plani i Bardhë, nuk kanë ujë të pijshëm dhe për vaditje

Më: 20 prill 2019 Në ora: 12:41
Fshati Plani i Bardhë

Fshati Plani i Bardhë, në Bashkinë e Klosit, pas viteve ‘90 ka njohur një braktisje thuajse totale nga banorët e tij.

Largimi në mënyrë masive drejt zonave të mëdha urbane ka ardhur si pasojë e mungesës së ujit të pijshëm dhe të ujit për vaditjen e tokave.

Tashmë, shumë banesa të braktisura janë rrënuar, duke i dhënë fshatit Plan i Bardhë një pamje të trishtë.

Fshati filloi të vuante nga mungesa e ujit të pijshëm pas ndërtimit të Traverbankut të Klosit dhe rampës së mineralit të kromit në Qafën e Buallit, në Bulqizë.

Demir Sallaku, një nga banorët e mbetur aty, thotë se pas shterimit të ujit, të gjithë detyrohen ta sigurojnë atë me kafshë pune ose me makinë.

I shtrirë në një luginë mes malesh, me gjatësi prej rreth 5 kilometrash nga Qafa e Buallit deri tek Ura e Vashës, me klimë të favorshme për zhvillimin e bujqësisë, fshati Plan i Bardhë me një sipërfaqe toke prej 163 hektarësh, dikur numëronte 180 familje, sot banohet nga rreth 40 familje.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...