Ministri i Jashtëm në detyrë, Gent Cakaj, gjatë vizitës zyrtare që po zhvillon në Austri, ka njoftuar se ka marrë mbështetje për hapje të negociatave për në BE.
Cakaj ka thënë për Top Channel, gjatë takimeve në Ministrinë e Jashtme austriake, janë diskutuar 3 pika kryesore. Ishin aspekti ekonomik, anëtarësimi në BE, për të cilën Cakaj tha se “kemi marrë mbështetjen e Austrisë”, si dhe po diskutohet që Shqipëria të marrë kryesimin e OSBE në vitin 2020, ishin pikat që u diskutuan.
Ai tha se pas publikimit të raportit do kenë një realitet politik krejt ndryshe në vend, pasi siç tha ministri “kemi besim se do rekomandohet hapja e negociatave për në BE”.
