Një djalë i ri shqiptar ka gjetur vdekjen në një burg në Greqi, në orët e para të mëngjesit të sotëm.
Ngjarja ka ndodhur në burgun e Trikalasë, pas një sherri mes shqiptarit të moshës 29-vjeçare me disa të burgosur të tjerë.
Bëhet me dije se dy të burgosur rusë e qëlluan me një thikë të përshtatur në ambientet e burgut shqiptarin, duke bërë që të gjejë vdekjen.
Mësohet se të dyshuarit e qëlluan në kraharor, në brinjë dhe në këmbë, ku pavarësisht dërgimit në spital, nuk arriti që të mbijetojë.
Episodet e vdekjes së shqiptarëve nuk janë të panjohura në burgjet greke, ku më i rëndi është ai i Ilia Karelit, i cili humbi jetën si pasojë e dhunës torturuese.
