Vazhdon edhe në këto momente, protesta e banorëve të ‘Unazës së Re’ e mbështetur edhe nga Partia Demokratike, përballë Drejtorisë së Policisë Tiranë, ku kërkohen lirimi i personave të ndaluar gjatë protestave, ku midis tyre ndodhet edhe ish-deputeti demokrat Klevis Balliu.
Në këtë protestë ulur në karrocë është edhe mamaja e Dorian Protoduarit, Lindita Protoduari, e cila është shfaqur me këmbën e fashuar.
Mësohet se Protoduari është dhunuar ditën e djeshme nga Forcat e Ndërhyrjes së Shpejtë, gjatë protestës kundër vizitës së kryeministrit Rama në një fabrikë mielli.
Aktualisht në burg ndodhet edhe djali i familjes Protoduari, Dorian Protoduari, i cili qëndron aty prej disa javësh ndërsa u arrestua pas protestës përpara Parlamentit.
