Shqipëria në zi, sot i jepet lamtumira majorit Klodian Tanushi

Shqipëria

Shqipëria në zi, sot i jepet lamtumira majorit Klodian Tanushi

Më: 16 maj 2019 Në ora: 07:44
Trupi i Klodian Tanushit

Shqipëria do të mbajë sot zi kombëtare për të nderuar major Klodian Tanushin, i cili ra në krye të detyrës gjatë misionit të NATO në Letoni.

Vendimi është marrë nga qeveria shqiptare.

Në nder të major Tanushit, komandant i kontingjentit shqiptar në Letoni, nesër në të gjitha institucionet publike e private, flamuri kombëtar do të ulet në gjysmështizë.

Gjithashtu, Komisioni Qendror i Statutit “Dëshmor i Atdheut”, nën drejtimin e ministres së Mbrojtjes Olta Xhaçka, e shpall major Klodian Tanushin, i rënë në krye të detyrës, “Dëshmor i Atdheut”.   

Homazhet në nder të dëshmorit të atdheut, do të zhvillohen sot në mjediset e Muzeut Historik Kombëtar në Tiranë, nga ora 10:00-12:00.

Më pas, po në mjediset e Muzeut, do të mbahet ceremonia shtetërore në nder major Klodian Tanushit, përpara se arkivoli i mbuluar me flamurin kombëtar të vendoset në shtrat topi dhe të përcillet në Varrezat e Dëshmorëve.

commentFirst article
Sot mund të lexoni Shfletoni kopertinat