Anëtari i Gjykatës së Lartë, Edmond Islamaj, nuk ka kaluar sitën e Vetting, duke u shkarkuar nga Kolegji i Posaçëm i Apelimit.
Ai ishte konfirmuar në detyrë nga KPK, por Komisioneri Publik e apeloi vendimin.
Pas këtij vendimi Gjykata e Lartë mbetet me vetëm 3 anëtarë, në një kohë kur volumi i çështjeve që presin në Gjykatën e Lartë ka shkuar mbi 31 mijë dosje.
Ardian Dvoranin, Medi Bicin dhe Xhezair Zaganjori, janë tre anëtarët e fundit të Gjykatës së Lartë.
Shkarkimi i Islamajt sjell ngërç edhe në Gjykatën e Lartë, e cila nuk mund të marrë dot vendim, pasi anëtari tjetër, Medi Bici, është zgjedhur anëtar i Këshillit të Lartë Gjyqësor. Ndërkohë që Dvorani është njëkohësisht edhe kryetar i KED, ndërsa Xhezair Zaganjori pas konfirmimit nga KPK, është ankimuar në KPA, e pritet që në ditët në vijim të vendoset edhe për të.
