Mbyllet dhe Gjykata e Lartë, Halimi: Drejtësia në kolaps, 60 mijë dosje nuk gjykohen

Shqipëria

Mbyllet dhe Gjykata e Lartë, Halimi: Drejtësia në kolaps, 60 mijë dosje nuk gjykohen

Më: 23 maj 2019 Në ora: 07:48
Eduard Halimi

Ish-Ministri i Drejtësisë, Eduard Halimi, ka reaguar pas vendimit të Kolegjit të Posaçëm të Apelimit, i cili shkarkoi nga detyra gjyqtarin Edmond Islamaj, duke nxjerrë jashtë funksioni Gjykatën e Lartë.

Në një postim në facebook, Halimi thotë se Shqipëria është i vetmi vend në Europë pa Gjykatë Kushtetuese dhe Gjykatë të Lartë. Sipas Halimit, shkarkimi i Islamaj ishte i qëllimshëm për të mbyllur Gjykatën e Lartë.

Postimi i tij i plotë Mbyllet perfundimisht Gjykata e Larte. Nga sot Shqiperia është i vetmi vend ne Europe pa Gjykate Kushtetuese dhe pa Gjykate te Larte. Shkarkimi nga detyra i gjyqtarit te Gjykates se Larte Edmond Islamaj (te cilin e njohin te gjithe si nje gjyqtar korrekt) ka si qellim te vetem mbylljen perfundimtare te Gjykates se Larte.

Nga sot Shqiperia eshte jo vetem pa Gjykate Kushtetuese por dhe pa Gjykate te Larte. Nga sot nuk mund te shqyrtohet ASNJE nga 40.000 dosjet qe prisnin ne rradhe dhe drejtesia perfundimisht eshte futur ne kolaps total.

Ate qe Komisioni i Venezias thoshte ne dhjetor 2015 po dalin cdo dite. Dhe ne kete pike ata qe vuajne nga mungesa e ekzistences se nje sistemi gjyqesor normal hiearkik jane padyshim qytetaret e thjeshte dhe po aq shume bisnesi.

Sikur gjykata e larte te krijohet ne fund te vitit kur te jene me shume se 60.000 dosje, cdo qytetari dhe cdo kompanie do ti duhej te pakten 7-8 vjet pritje per ti ardhur rradha.

commentFirst article
Sot mund të lexoni Shfletoni kopertinat