Kryetari i Partisë Demokratike, Lulzim Basha, ndërsa ka komentuar rekomandimin e KE, tha se vendit nuk do t’i hapen negociatat në qershor.
nga Fieri ku ka zhvilluar takimin e radhës me qytetarët duke i ftuar për protestën e radhës, Basha tha se ky është një ndëshkim për shqiptarët, duek shtuar se i vetmi fajtor, sipas tij, është Edi Rama.
Basha shtoi se sot, kryeministri duhej t’i kishte kërkuar falje shqipatrëve për “gënjeshtrën e një viti më parë, ku hapi shampanjën për të festuar hapjen e negociatave”.
“Ne luftojmë të varrosim fenomenin e shëmtuar të Rilindjes, të kapjes së gjithë pushteteve, luftojmë t’i japim fund trazicionit dhe t’i hapim rrugë Shqipërisë europiane. Ditën e sotme, për të tretën herë radhazi KE rekomandon hapjen e negociatave për Shqipërinë. Ne kemi luftuar cdo ditë për hapjen e negociatave sepse kjo do të rriste kontrollin ndaj qeverie, aq më shumë një bande që e quan veten qeveri. Ne dëshirojmë që negociata të hapen sa më shpejt, por ka tre vite që hapja e negociatave është refuzuar. Vendet anëtare kanë raportet e tyre individuale për vendin. Ata marrin vendimin mbi raportin e institucioneve për gjendjen e në vend.
Rama sot duhet t’i kishte kërkuar falje shqiptarëve për gënjeshtrën e një viti më parë, ku hapi shampanjën për të festuar hapjen e negociatave. T’ia kujtojmë shqiptarëve se shqiptarët paguajnë për shampanjën e Edi Ramës, ja ku jemi sot pas një viti, negociatat nuk janë hapur. Më shumë kushte i janë shtuar Shqipërisë nga vendet anëtare që kanë parë afera të tmerrshme korruptive, si ajo e “Unazës” dhe akoma më keq, asgjësimin e çdo institucioni kushtetues. Vendi pa Gjykatë Kushtetuese e pa Gjykatë të Lartë.
Gjendjen në Shqipëri e dinë të gjithë qytetarët, të djathtë e të majtë, e dinë edhe në Bruksel. Edhe ata që bëjnë sikur nuk i dinë. I di edhe Edi Rama. Partnerët tanë ndërkombëtarë ja kanë bërë të qartë atij, sic kanë informuar edhe kryetarin e opozitës, se në gjendjen aktuale, Këshilli Evropian I qershorit do të votojë për mos hapjen e negociatave për Shqipërinë. Dhe ky është një lajm ndëshkimi për çdo shqiptar, ndëshkim I pamerituar që ka një fajtor, një emër, Edi Ramën dhe qeverinë e tij antievropiane.
Edi Rama e ka frikë hapjen e negociatave sepse e di fare mirë se cka ndodhur në ato vende ku janë hapur negociatat. Se të parët që kanë shkuar para drejtësisë kanë qenë pushtetarët që kanë abuzuar me pushtetin.”, tha Basha.