Në lidhje me vendimin e presidentit Meta për të çdekretuar 30 qershorin si datën e zgjedhjeve lokale reagon edhe ish-deputeti i Partisë Demokratike, Ervin Salianji.
Sipas tij ky veprim nuk e zgjidh krizën politike, por i jep kohë zgjidhjes së saj.
Ai e konsideron në lartësinë e detyrës si President vendimin e kreut të shtetit.
“Vendimi i Presidentit të Republikës ishte në lartësinë e detyrës së institucionit që përfaqëson unitetin e kombit, vendimi është jo prej politikani por prej shtetari!
Vendimi nuk e zgjidh krizën por i jep kohë zgjidhjes së krizës e cila e detyroi ndërhyrjen institucionale të Presidentit.
Pikërisht mbrojtja e të drejtës së qytetarëve të cilët meritojnë alternativën e zgjedhjes është fryma që duhet të prevalojë në këtë moment krize historike për vendin”, shkruan Salianji.
