Avokati Genc Gjokutaj në një lidhje telefonike në studion e lajmeve në RTV Ora teksa komentoi vendimin e presidentit Ilir Meta për çdekretimin e 30 qershorit si datë zyrtare për zhvillimin e zgjedhjeve lokale u shpreh se akti i Metës është kushtetues në një situatë të domosdoshme.
“Akti i presidentit të Republikës në dijeninë time bazohet në nenin 92/GJ e Kushtetutës ku ai dekreton, vendos datën e zgjedhjeve si të përgjithshme edhe vendore dhe sigurisht ai që e cakton datën mundet edhe ta revokojë mbi bazën e një arysetimi që në mënyrë shteruese do të komunikohet ditën e hënë.
Unë e konsideroj një akt kushtetues në një moment koçal, të domosdoshëm për shoqërinë, kjo është e barabartë me heqjen e një tumori kushtetues, institucional.
Ai i ka kursyer Shqipërië me atë të këtij vendimi një pal zgjedhje, të cilat ishin antikushtetues”.
I pyetur nëse ka hapësira ligjore mazhoranca për ta kundërshtuar këtë vendim, Gjokutaj u shpreh se: “Ky është efekti boomerang sepse mazhoranca e zhbëri Gjykatën Kushtetuese, në një farë mënyre prishi xhaminë dhe tani nuk ka ku falet. Nuk ka ku të shkojë. I vetmi instrument ishte gjykata kushtetuese”.
Më tej drejtoresha e informacionit të RTV Ora, Beti Njuma e pyeti avokatin nëse mund ta ndalojë punën KQZ pas këtij vendimi të presidentit. Gjokutaj tha se “sonte duhet të ndërpritet fushata elektorale dhe KQZ-ja të ndërpresë të gjithë procesin zgjedhore. Këto janë pasojat e vendimit të presidentit. Jemi në një terren ku nuk kemi më zgjedhje lokale, se cdo të ndodhë më vonë do ta shohim sot”.
