Pas konferencës për shtyp, Presidenti i Shqipërisë, Ilir Meta mësohet se do nisë konsultimet me partitë politike për caktimin e datës së zgjedhjeve. Takimet e para do të nisen sot në orën 19:00 me krerët e partive të Grupimit të Qendrës së Djathtë. Takimet nisin fill pas vizitës në Kosovë ku Presidenti Meta do të marre pjesë në festimet e 20-vjetorit të çlirimit të Kosovës. Grupimi i Qendrës së Djathtë janë partitë e para që kanë kërkuar takim me Metën.
Në daljen e dytë për mediat, Presidenti i Shqipërisë, Meta komentoi vendimin e dekretit që anulon zgjedhjet e 30 qershorit, si një formë për të shmangur konfliktin më 30 qershor, datë për të cilën tha se palët politike po e konsideronin si betejë për jetë a vdekje.