“O zonjë se po na ngre nervat, s’keni turp…” Marku shpërthen ndaj Ministres

Shqipëria

“O zonjë se po na ngre nervat, s’keni turp…” Marku shpërthen ndaj Ministres

Më: 14 qershor 2019 Në ora: 00:33
Mark Marku

Blendi Fevziu e pyeti Ministren e Drejtësisë, Etilda Gjonaj edhe për Dosjen 339, duke u ndalur në veçanti tek fakti se përse Prokuroria nuk kishte dhënë shpjegime, apo nuk kishte vepruar.

Ministrja tha se “Prokuroria është institucion i pavarur. Po të ishte e kapur prokuroria nuk do të kishin dalë përgjimet… apo nuk do ishte vazhduar çështja, do të ishte mbyllur”.

Por këto fjalë nervozuan pedagogun Mark Marku.

Etilda Gjonaj: Patjetër që është e pavarur Prokuroria.

Mark Marku: Për cilën prokurori e keni? Për këtë që kemi apo për ndonjë tjetër?

Mark Marku: O zonjë se po na ngre nervat, prokuroria jote e pavarur, ju nuk keni turp. Jeni të pacipë, edhe kur keni fytyrë normale, jeni fytyra e shëmtisë. E pavarur ajo lloj prokurorie thua ti? Po tall… Me kë po flet? Se për këtë jeni arrogantë, që duheni larguar me dhunë dhe me armë, sepse ju të fyeni inteligjencën. Prokuroria e pavarur, ato 2 lajet e Partisë Socialiste, kryeprokurorja, krye… S’keni turp, ju keni arrit kulmin.

Mark Marku-Lorenc Vangjelit: Rri tani, se ti paguhesh nga qeveria, ha bukën e qeverisë dhe je në rregull.

Lorenc Vangjeli: Mos e përmend bukën time ti, se ha bukën e Perëndisë. Mos fol për armë. Se e ke gabim.

Mark Marku: Flasim për shërbimet që bën ti.

Lorenc Vangjeli: Po lëri more shërbimet.

Mark Marku: Janë bërë për t’i larguar me gurë.

Blendi Fevziu: Me gurë?

Mark Marku: Po se janë arrogantë, janë të poshtër, janë hajdut ordinerë.

commentFirst article
Sot mund të lexoni Shfletoni kopertinat