Policia e shtetit pjesëmarrëse në një operacionin "OPSON 8" ndërkombëtar për goditjen e e aktivitetit kriminal të prodhimit, tregtimit, trafikimit të produkteve ushqimore dhe pijeve nën/standarte dhe të falsifikuar ka bërë të mundur sekuestrimin e një sasie mallërash.
Policia bën me dije se në të gjitha qarqet janë arritur këto rezultate:
-Janë kontrolluar në total rreth 244 subjekte tregtare, persona fizike, punishte dhe automjete transporti.
- Janë proceduar penalisht për veprën penale të "Shkelja e drejtave të pronësisë Industriale", gjithsej 8 subjekte..
- Janë proceduar penalisht për vepra të tjera penale gjithsej 30 subjekte.
Akuzat ndaj subjekteve - "Mashtrim", "Kontrabanda me mallra të tjera", "Kontrabanda me mallra të ndaluara", Prodhim të Kundraligjshëm, "Punësimi i paligjshëm", " Falsifikimi i dokumentave", "Falsifikimi i vulave, i stampave osi i formularëve", "Shpërdorimi i detyrës", "Prodhimi dhe shitja e ushqimeve dhe lëndëve të tjera të rrezikshme për shëndetin", "Prodhim i kundraligjshëm i artikujëve dhe mallrave industrialë dhe ushqimorë", "Fshehja e të ardhurave",
Gjithashtu policia bën me dije se janë proceduar penalisht në gjendje të lire 22 persona, 9 persona jannë arrestuar në flagrancë dhe 1 person është shpallur në kërkim.
Gjithashtu bëhet e ditur se janë sekuestruar mallra të ndryshme ushqimore dhe pije të falsifikuara/nën standarde apo të prodhuara në mënyrë të kundraligjshme në sasitë:
Mish i ngrirë në sasinë 2534 kg; Verë në sasinë 8560 litra; Kafe 372 kg; Djath 700 kg; Sallamra dhe nënprodukte 264 kg; Pije të forta alkoolike 52 litra; Pije freskuese 100 litra; Ujë mineral 1450 litra; Vajra vegjetale 66 litra,Vezë 4500 kokrra; Fruta të thata 85 kg; Patatina kubeti 600 njësi etj, të gjitha kapin vlerën rreth 160 000 USD.
