U dogj KZAZ dhe u plagosën dy policë, opozita reagon përmes Kryemadhit dhe Gazment Bardhit

Shqipëria

U dogj KZAZ dhe u plagosën dy policë, opozita reagon përmes Kryemadhit dhe Gazment Bardhit

Më: 27 qershor 2019 Në ora: 22:42
Gazment Bardhi dhe kryetares së LSI-së Monika Kryemadhi

Ngjarjet e tensionuara në KZAZ-në nr.6 në Vaun e Dejës në Shkodër nuk janë sulm i bërë nga opozita.

Kjo është deklarata e dy forcave kryesore të opozitës, PD e LSI, të cilat kanë reaguar respektivisht përmes sekretarit të përgjithshëm të selisë blu Gazment Bardhi dhe kryetares së LSI-së Monika Kryemadhi.

Kryetarja e LSI-së përmes një postimi në rrjetin social shkruan se e dënon me forcë djegien e KZAZ-në në Bushat, duke deklaruar se anjë mbështetësi i LSI-së nuk ka pasur asnjë lidhje me ngjarjen, por përkundrazi kanë qenë disa persona të urdhëruar nga qeveria për ta kryer aktin. Kryemadhi thotë se shumë shpej do t’i nxjerrë me emra personat që kanë kryer aktin.

Reagimi i plotë i Monika Kryemadhit:

Dënojmë me forcë djegien e KZAZ në Bushat.

Asnjë mbështetës i Lëvizjes Socialiste për Integrim nuk ka asnjë lidhje me këtë ngjarje.
Dënojmë me forcë deklaratën kriminale dhe mashtruese të Ministrit të Brendshëm të inkriminuar gjer në fyt, si pjesë e një skenari të parapërgatitur nga qeveria për të tensionuar në mënyrë të qëllimshme dhe të inskenuar situatën. Së shpejti do i tregojmë me emra e mbiemra këta autorë të këtij provokimi policesk.

U bëjmë thirrje mbështetësve tanë, qindra mijëra qytetarëve të tjerë tu qëndrojnë larg këtyre provokimeve të fëlliqura dhe që të mos bien pre e këtij skenari dhune të inskenuar nga Edi Rama dhe Sandër Lleshaj.
Qeveria do të zhvillojë zgjedhjet e Partisë Socialiste,me KZAZ e Partisë Socialiste në qendrat e votimit të Partisë Socialiste,me komisionerët e Partisë Socialiste,me numëruesit e Partisë Socialiste për ti dorëzuar në fund në KQZ socialiste.

Ne e njohim dhe jemi shumë mirë të informuar për planin kriminal të hartuar nga Edi Rama,personat e ngarkuar me emra të vërteta dhe emrat e rreme, planet operative kohën e fillimit e të mbarimit dhe që ka disa ditë që po tentohet të vihet në jetë por edhe që do të demaskohet shumë rreptë nga ne.

Ky plan është totalisht i dështuar, pavarësisht propagandës konfliktuale , përhapjes së panikut tek qytetarët dhe bizneset private.
Të gjithë tashmë e njohim këtë plan kriminal dhe kush mbyll sytë para tij është bashkëfajtor me të.

LSI dhe e gjithë Opozita e bashkuar do ti mposhtë me fuqinë e pamasë të paqes,masivitetit dhe dashurisë e dhimbjes për vendin që këta kriminelë në qeverisje duan ta shkatërrojnë për interesat e trafiqeve,krimit dhe mafias.

REAGIMI I PD:

Asnjë militant i Partisë Demokratike nuk ka djegur asnjë KZAZ në Bushat.

Dënojmë me forcë deklaratën kriminale dhe shpifjen e Ministrit të Brendshëm, si pjesë e një skenari të parapërgatitur nga Qeveria, për të inkriminuar opozitën.

U bëjmë thirrje mbështetësve tanë të mos bien pre të këtij skenari dhune.

Partia Demokratike është në dijeni të planit kriminal që është hartuar me gjakftohtësi nga Edi Rama, dhe që ka disa ditë që po tentohet të vihet në jetë. E siguroj në emër të Partisë Demokratike se do të dështojë, pavarësisht retorikës konfliktuale të vazhdueshme apo përhapjes së panikut tek qytetarët dhe bizneset private.

commentFirst article
Sot mund të lexoni Shfletoni kopertinat