Tre ditë më parë është sulmuar makina e analistit Fatos Lubonja. Një person ika thyer xhamin e parë me gurë, ndërsa është ndaluar nga policia e kryeqytetit. Gazetarja e Report Tv, Xhensila Kodra raporton se i ndaluari është liruar nga policia, pasi rezultonte me kartelë me probleme mendore.
Për ngjarjen ka reaguar edhe Presidenti i Republikës, Ilir Meta duke shënjestruar shumicën me akuza direkte. Kreu i shtetit thotë se çunat problematikë kanë dalë nga furgoni dhe kanë sulmuar makinën e analistit kritik ndaj Ramës.
"Thonë që sot çunat problematikë kanë dalë nga furgoni për të “përshëndetur” makinën e një analisti kritik ndaj Bablokut. Qoftë fake news për të dielë, për të mirën e Kryeproblematikut" shkruan ai.
Por kush janë çunat problematikë sipas Presidentit? Në përgjimet që u zbuluan për dosjen e Dibrës 184në njërin nga episodet, Gjiknuri është kapur duke folur me Arben Keshin për zgjedhjet lokale, ndërsa i thoshte se 'do të çojë disa çuna problematikë ti kesh aty, një furgon të jetë aty por te mos dalin... Të jenë për çdo rast''.
Pikërisht këtë shprehje 'çunat problematikë' e ka përdorur Meta sot për të identifikuar autorët e sulmit ndaj makinës së Lubonjës duke akuzuar shumicën.
