Një aksident rrugor me pasojë plagosjen e katër personave ka ndodhur pasditen e sotme në aksin Shëngjin-Lezhë.
Të plagosurit janë dërguar me urgjencë në spitalin rajonal të Lezhës, ku edhe po marrin ndihmën e parë mjekësore.
Sipas informacioneve paraprake mësohet se dy automjete janë përplasur me njëra tjetrën, teksa njëra nga makinat ka dalë nga rruga, ndërsa ende nuk ka detaje për identitetin e të plagosurve.
Policia dhe grupi hetimor kanë shkuar menjëherë në vendin e ngjarjes dhe po punojnë për zbardhjen e aksidentit.
