Kryetari i Partisë Demokratike, Lulzim Basha ka uruar Kyriakos Mitsotakis për fitoren e tij në zgjedhjet e përgjithshme të Greqisë.
Nëpërmjet një postimi në Twitter, Basha uroi homologun e tij të qendrës së djathtë në Greqi për rezultatin e arritur në zgjedhje dhe shkruan se kjo fitore shërben si shembull i ndryshimit dhe vlerave demokratike në Shqipëri.
“Urime @kmitsotakis dhe @neademokratia për fitoren e tyre bindëse! Vota e sotme shënjon një fillim të ri për Greqinë dhe vendos një shembull frymëzues për ndryshim dhe triumfin e vlerave demokratike në Shqipëri dhe pjesën tjetër të rajonit!” shkruan Basha në Twitter.
Greqia zhvilloi sot zgjedhjet e përgjithshme të parakohshme. Megjithëse rezultati nuk është zyrtarizuar ende, sondazhet folën për një fitore bindëse të Demokracisë së Re e cila pritet të qeverisë e vetme. Rezultati u pranua gjithashtu nga kryeministri Tsipras në një konferencë për mediat.
Congratulations to @kmitsotakis and @neademokratia for their amazing landslide victory! Today's vote marks a new beginning for Greece, and sets an inspiring example for change and the triumph of European values in Albania and the rest of our region!
— Lulzim Basha (@lulzimbasha_al) July 7, 2019
