Prania e Frontex dhe Europol në Shqipëri për ministrin e Brendshëm Sandër Lleshaj nuk është shenjë mosbesimi ndaj autoriteteve tona, por sipas tij një tregues se defakto policia shqiptare është integruar në institucionet e BE.
Lleshaj: Skeptikët nuk lodhen kurrë së dyshuari dhe shprehur negativisht edhe atëherë kur duhet të shprehen pozitivisht. Kam ndjekur me keqardhje njoftime që e përkthejnë ardhjen e agjencive europiane në Shqipëri si shenjë dyshimi ndaj Shqipërisë ndërkohë që është shpallur botërisht nga BE dhe nga ne që ardhja e tyre në Shqipëri është shenjë besimi dhe e një hapi të rëndësishëm integrimi të Shqipërisë drejt strukturave të BE.