Borshi “tualet” i kroçerave, plazhi ndotet nga derdhja e ujërave të zeza - Bota Sot
Borshi “tualet” i kroçerave, plazhi ndotet nga derdhja e ujërave të zeza

Shqipëria

Borshi “tualet” i kroçerave, plazhi ndotet nga derdhja e ujërave të zeza

Më: 12 korrik 2019 Në ora: 15:40
Plazhi

Plazhet e Borshit vijojnë të ndoten nga ujërat e zeza që dërdhen në det nga krocerat dhe anijet turistike. Në një video dërguar në RTV Ora, pushuesit denoncojnë situatën që sipas tyre po i detyron të braktisin plazhin.

Kjo është pamja me të cilën po përballen prej ditësh pushuesit në plazhet e Borshit.

Deti vijon të ndotet herë pas herë nga ujërat e zeza të derdhura nga kroçerat apo anijet turistike që lundrojnë në zonë.

Kjo video e dërguar në redaksinë  e RTV Ora është xhiruar në shkallë të Borshit.

Pushuesit e përshkruajnë situatën si të neveritshme, ndërsa ujërat e zeza e kanë bërë të paaksesueshëm plazhin sipas tyre të mrekullueshëm.

Një situatë e ngjashme u raportua edhe pak ditë më parë, kur pushuesit dhe bizneset thanë se kjo gjendje po i detyron të braktisin plazhin.

Raste të ngjashme të ndotjes së ujërave shqiptare nga anijet e huaja janë raportuar edhe më herët, ndërsa ky problem mbetet pa zgjidhje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...