E masakroi me breshëri kallashi për të marr hak mbi vëllanë, kush është shqiptari i kapur pas 6 vitesh kërkim

Shqipëria

E masakroi me breshëri kallashi për të marr hak mbi vëllanë, kush është shqiptari i kapur pas 6 vitesh kërkim

Më: 12 korrik 2019 Në ora: 19:43
Skënder Baku

E thirri në emër personin që i kishte vrarë të vëllanë dhe më pas e qëlloi për vdekje me 12 plumba.

Kjo është historia e Skënder Bakut, sot 53 vjeçar dhe tashmë i arrestuar nga policia, pas një kërkimi që ka zgjatur prej 6 vitesh. Baku u dënua për vrasjen me motive hakmarrje me 35 vite burg, pasi më 2013 vra Lulzim Sherën.

Lulzim Shera e vrau vëllanë e të arrestuarit të sotëm në qelitë e burgut 313 në Tiranë, pas një sherri me të. Shera e goditi për vdekje Arjan Bakun me mjete të forta. Ngjarja ndodhi në vitin 92’ dhe për këtë akt ai u dënua me 20 burgim. Më 2012 Shera doli nga burgu dhe një vit më vonë gjeti vdekjen nga dora e Skënder Bakut. Shera u qëllua teksa shkoi të blinte bukë në një furrë në Fushë- Krujë. Ekzekutuesit ishin Skënder dhe Altin Baku, vëllezërit e personit që Shera kish vrarë. Ata e kanë thirrur me emër dhe teksa Shera është kthyer, është qëlluar me breshëri automatiku.

Njoftimi i policise:

Finalizohet operacioni policor i koduar “Revenge”. Kapet një person i shpallur në kërkim për vrasje, i dënuar me 35 vite burg.

Në vijim të punën për kapjen e personave në kërkim, Strukturat e Drejtorisë Vendore të Policisë Durrës, në bazë të informacioneve të marra në rrugë operative për vendndodhjen e  një personi të  dënuar për vrasje, kanë  zhvilluar dhe finalizuar me sukses operacionin policor të koduar “Revenge”, si rezultat i të cilit   u bë e mundur kapja dhe ndalimi i shtetasit në kërkim:

– Skënder Baku, 53 vjeç, banues në Luz,  Fushë Krujë .

Kapja dhe ndalimi i tij u bë pasi Gjykata për Krimet e Rënda,Tiranë, më datë 28.09.2015, e ka dënuar me 35 vjet burg, për veprat penale “Vrasje për gjakmarrje, kryer në bashkëpunim “dhe “Prodhimi dhe mbajtja pa leje e armëve luftarake dhe municionit”.

Ky shtetas më datë 01.09.2013 në qytetin e Fushë Krujës  ka vrarë  me armë zjarri shtetasin L.Sh. Materialet i kaluan Prokurorisë  për veprime të mëtejshme.

commentFirst article
Sot mund të lexoni Shfletoni kopertinat