Vrau biznesmenin, arrestohet i riu shqiptar në Itali. Mediat: Kriminel shumë i rrezikshëm - Bota Sot
Vrau biznesmenin, arrestohet i riu shqiptar në Itali. Mediat: Kriminel shumë i rrezikshëm

Shqipëria

Vrau biznesmenin, arrestohet i riu shqiptar në Itali. Mediat: Kriminel shumë i rrezikshëm

Më: 13 korrik 2019 Në ora: 18:40
Mësohet se i riu është vënë në pranga nga policia italiane.

Bie në pranga 26-vjeçari Mahmut Gega, i shumëkërkuar për vrasjen e biznesmenit nga Dibra, Elsi Kosiqi në vitin 2018.

Mësohet se i riu është vënë në pranga nga policia italiane.

Sipas mediave, 26-vjeçari është arrestuar në Macerata të Italisë, ndërsa akuzohet edhe si kreu i një bande grabitësish në vendin fqinj.

Mediat raportojnë se banda e drejtuar prej tij ishte e “specializuar” në vjedhjen e shtëpive.

Mediat shkruajnë më tej se i riu shqiptar ishte një kriminel shumë i rrezikshëm, pasi iu hynte njerëzve nëpër shtëpi, i lidhte dhe i detyronte t’i jepnin paratë dhe bizhuteritë.

Ndersa në Shqipëri mbi të riun rëndon akuza e vrasjes.

Si ka ndodhur vrasja në Shqipëri?

Elsi Kosiqi, babai i tre fëmijëve u ekzekutua pas mesnatës së 20 marsit 2018 në derën e shtëpisë në Dibër.

32-vjeçari kishte shkuar mëngjesin e një dite më parë në Dibër të Madhe, ku kishte qëndruar me disa shqiptarë dhe një shtetas maqedonas gjatë gjithë ditës, deri në mesnatë.

Në orën 1:30 ai është kthyer në banesë, por sapo ka parkuar makinën në derë të shtëpisë është qëlluar me tre plumba nga i riu, që i ka dhënë dorën dhe më pas i ka drejtuar armën.

Ngjarja ka ndodhur brenda oborrit të banesës, ngjitur me verandën e banesës.

Më pas autori është larguar me shpejtësi, duke qenë se shtëpia ndodhet vetëm disa metra larg nga rruga nacionale dhe 500 metra nga kufiri me Maqedoninë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...