Nard Ndoka pranon se opozita ka përdorur Prokurorinë për dosjet e përgjimeve - Bota Sot
Nard Ndoka pranon se opozita ka përdorur Prokurorinë për dosjet e përgjimeve

Shqipëria

Nard Ndoka pranon se opozita ka përdorur Prokurorinë për dosjet e përgjimeve

Më: 16 korrik 2019 Në ora: 19:51
Nard Ndoka

I ftuar në studion e Top Talk, kreu i PDK, Nard Ndoka, duke folur për përgjimet e dosjeve 339 dhe 184 bëri me dije se së shpejti do të ketë përgjime të reja që do të publikohen, pjesë e të cilave sipas tij do të jetë kryeministri Rama dhe njerëz pranë tij.

Por më tej gjatë bashkëbisedimit me gazetarin Denis Dyrnjaja, Nard Ndoka pranoi se opozita ka burime brenda Prokurorisë.

Konstatimit të gazetarit Denis Dyrnjaja, se nisur nga fakti se opozita i paralajmëron përgjimet para se të dalin, duket sikur kanë burime brenda Prokurorisë, Nard Ndoka tha:

“Ka, opozita është institucionale dhe ka informacionet e veta. I ka pasur edhe më përpara. Basha i ka bërë publike muaj përpara për dosjet të cilat rrinin në Prokurori nuk hetoheshin, bllokoheshin. U ka përmendur edhe numrat”.

I pyetur se a është normale që një parti politike të ketë indikacione të brendshme në Prokurori, Nard Ndoka u përgjigj: “Kur nuk funksionon sistemi, patjetër që po.

Ka edhe prokurorë të përgjegjshëm, që e kuptojnë që një dosje është bllokuar. Siç ishte rasti konkrete. Bashkëpunojnë për hir të realitetit dhe drejtësisë. Për ta zhbllokuar atë situatë edhe nga trysnia që kanë nga drejtuesit, apo bllokazhet nga politika”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...