Ministri i Bujqësisë dhe Zhvillimit Rural, Bledi Çuçi ishte sot i pranishëm në takimet e asambleve socialiste në Gjirokastër e Dropull. Në këto takime pati një analizë për zgjedhjet e 30 qershorit dhe atë që vjen pas.
“Me certifikimin e rezultatit dhe marrjen e mandatit, kryebashkiakët e rinj i pret një punë e madhe. Besimi që qytetarët i dhanë me votë duhet të shndërrohet në shërbime publike më të mira, në investime dhe projekte transformuese për zonat urbane dhe rurale”, theksoi ministri Çuçi në fjalën e tij.
Sipas tij, duke pasur edhe shumicën në këshillat bashkiakë, do mbahen gjithë zotimet e marra. “Besoj se s’ka më asnjë pengesë për të çuar para zotimet tona përballë qytetarëve. Koha për të nisur bashkë një faqe të re për Gjirokastrën dhe Dropullin”, theksoi Çuçi.
